Алматы қаласы Білім басқармасының «№188 жалпы білім беретін мектеп» коммуналдық мемлекеттік мекемесінің Тәуелсіздіктің 25-жылдығына байланысты өткізілген іс-шаралары
18.11.2016 «Тәуелсіздік-тәңірден келген тәтті сый» атты Тәуелсіздіктің 25 жылдығына арналған мерекелік кеш өтті. Бұл кешімізге 8-10 сыныптардың оқушылары ат салысып, өнерлі деген балалар өздерінің әнімен, ерекше дарынымен көзге түсе білді. Тәуелсіздікке байланысты 9-сынып оқушысы Абдибек Бейбарыстың шырқауымен «Атамекен» әні орындалды. Сонымен қатар, жаңадан өсіп келе жатқан бүлдіршіндеріміз арасынан балғын дауысымен бал әндерінен тамсандыра айтып, қатысқан мұғалімдер мен оқушылардың көңілдерінен орын таба білді.
19.11.2016 «Алматы- Тәуелсіздігімнің алтын бесігі» Желтоқсан оқиғасына қатысқан аға-апаларымызбен кездесу өтті. Бұл кездесудің алдыңғыларға қарағанда ерекшелігі, оқушылар арасында сол кездегі оқиғалардан көрініс қойылып, басқа бір үлгіде ерекше орындалды. Көтеріліске қатысқан ағаларымызға мектеп оқушылары тарапынан бірнеше сұрақтар қойылып, заманның қиындығын көрген абыздарымыз оқушыларға бата беріп: «тек тыныш та, бейбіт заманда терең білім алыңдар», деп сөздерін аяқтады.
21.11.2016 «Тәуелсіздік тірегім» атты мектеп оқушыларымен аранайы ардагерлер арасында кездесу өтті.Кездесуде Тәуелсіздікке қалай қол жеткізгендіміз туралы талай оқиғалар мен қиын қыстау сәттер туралы сөз етті.
24.11.2016 «Тәуелсіздік- елімнің ертеңі» атты тарих пәнінің мұғалімі Қалдыкенова Бақытгүлдің ұйымдастыруымен 9-сыныптар арасында сайыс сабақ өтті. Бұл сабақта оқушылар тәуелсіздік жылдарында жеткен еліміздің жетістіктерімен, елімізде салынған ерекше ескерткіш мұралардан хабардар етіп, 4 сынып топқа бөлініп, сайыса жарысты.
25.11.2016 «Тәуелсіздік-еліміздің ақ таңы» атты тарих пәнінің мұғалімі Сүндетов Нұрдаулеттің ұйымдастыруымен 6-сыныптар арасында сайыс сабақ өтті. Бұл сабақта оқуышлар топқа бөлініп, Тәуелсіздік алғалы бері елімізде қандай өзгерістер болды, сонымен қатар биіктеп бой көтерген мұнаралар туралы да сөз етіп, «Постер» қоғау арқылы суретке түсірді.
26.11.2016 «Тәуелсіздік- елімнің жүрегі» атты 6 сыныптар арасында Тәуелсіздікке байланысты «ХХІ ғасыр көшбасшысы» интелектуалды ойыны өтті. Бұл ойында оқушыларға «Интербелсенді» тақта арқылы бірнеше сұрақтар қойылып, жүйрік ойлап, жылдам жауап беретін алғырлар өздерін алдыңғы қатардан көрсетіп, жеңіске жеткені аранайы мақтау қағаздарымен марапатталды.
29.11.2016 «25 жыл- 25 Жұлдыз» атты кездесу болды. Бұл кездесуге арнайы қонақтар келді. Оның ішінде Абылай хан атындағы Қазақ халықаралық қатынастар және әлем тілдері университеті, халықаралық қатынастар факультетінің деканы, философия ғылымдарының докторы, профессор- Раев Дәулетбек Садуақасұлымен кездесу болды. Ағамыз арнайы желтоқсан оқиғасына байланысты көрген-білген, тергенін оқушыларға айтып берді. Оқушылар тарапынан бірнеше сұрақтар қойылды.
30.11.2016 «Тарих-тағылым- тәуелсіздік» атты Желтоқсан оқиғасының 30 жылдығына , Тәуелсіздіктің 25 жылдығына, Президен күніне орай ұйымдастырылған іс-шара өтті. Бұл іс-шараны ұйымдастыруға мектебіміздің10-сынып оқушылары және мектеп мұғалімдері ат салысты.
