11
қыркүйек
2021
Алматы жүрегімде
2021-2022 оқу жылына арналған "Алматы, жүрегімде" атты қала күніне орай ұйымдастырылған №188 мектеп-гимназиясы жас мамандарының "Алматым, жүрегімде" тақырыбындағы бейнеролигін назарларыңызға ұсынамыз!
Бүгінде тәуелсіздік туы желбіреген еліміз күннен күнге түлеп, өсіп жатыр. Кемел елдің көркіне көз тояр табиғатымен танылған әсем қалалары да сұлулықты жыл сайын қала қонақтарына сипаттаумен келеді. Әдемі көркімен, жанға жайлы ғимараттарымен есте қалатын Алматы, бүгінде әр адамның жүрегінен жылы орын тапқан болар,сірә! Алатауы айқара ашылып қарсы алса, Көктөбесі жайқала жадырап құшақ жаяды. Онсыз да әсем әнмен баурап алатын Алматы, күн өткен сайын құлпыра түскендей. Алматы - үлкен белестерді бағындырған қала. Оның тарихына көз жүгіртсек, басынан сан-қилы тарихи кезеңдерді өткерген. Табиғаты да сөзсіз ғажап! Жетісудың еркесіндей елітіп, еркелей түседі. Арманыңды арманға жалғайды. Қаланың табиғаты, зәулім үйлері барлығы да бейне бір әсем әуендей. Әрқайсысының өз орны бар, әр ағашы да, үйі де жарасымды. Қала келген қонақтар мен жастарды құшақ жая қарсы алып, ойына ой, жүрегіне жылу сыйлайды. Алматыны әдетте мүмкіндіктер қаласы дейді. Бірде жылатып, бірде қызықты сәттердің куәсі болған тауы мен табиғатын ешкім де ұмыта алмас. Қаланың адамдары да құдды бір-біріне туыстай. Ұлт болып ұйысып, мегаполисімізді дамытуға жыл сайын қала тұрғындары мен жастарлың белсене атқарып жатқан үлестері де баршылық. Бүгін еңсесін Алатаудай тік көтерген қаламыздың мерекесі.